აგრო-ლიგის კონკურსი იწყება!

აგრარულ და გარემოსდაცვით სფეროებში ცოდნის გაღრმავების მიზნით კონკურსი - კოლეჯების აგრო-ლიგა წელს მეორედ ტარდება. 

კონკურსის მთავარი  მიზანია აგრარულ სექტორში პროფესიული ცოდნის გავრცელება, საქართველოში აგრარული და გარემოსდაცვითი საგანმანათლებლო სფეროების განვითარება და წარმატებულ სტუდენტთა ხელშეწყობა.

2024 წელს აგრო-ლიგა ჩატარდება შემდეგ საკონკურსო დარგებში:

• მევენახეობა
• მცენარეთა დაცვა
• მეფუტკრეობა
• სატყეო საქმე
• მეხილეობა
• ეკოლოგია, ბიომრავალფეროვნება.

კონკურსი ტარდება ტესტირების საშუალებით და მასში მონაწილეობის მიღება შეუძლიათ უმაღლესი სასწავლო დაწესებულებების შესაბამისი მიმართულების ბაკალავრიატის საფეხურის სტუდენტებს, პროფესიული კოლეჯების სტუდენტებს და პროფესიული საგანმანათლებლო პროგრამების მსმენელებს.

სარეგისტრაციო ბმული: https://agroliga.veta.ge/ka/register  

პლატფორმაზე დარეგისტრირების შემდეგ, კონკურსის მონაწილეებს საშუალება ეძლევათ გაეცნონ სავარჯიშო ტესტებს და სასწავლო-შემეცნებით ლიტერატურას.

აგრო-ლიგა ჩატარდება მიმდინარე წლის მაისში, კონკურსის ზუსტი თარიღი და ადგილი მონაწილეებს ეცნობებათ მოგვიანებით.

კონკურსის შესახებ დეტალურ ინფორმაციას გაეცანით ბმულზე: https://agroliga.veta.ge/ka/page/rules  

აგრო-ლიგის კონკურსი ორგანიზებულია სოფლის მეურნეობის განვითარების ასოციაციის მიერ, გარემოსდაცვითი ინფორმაციისა და განათლების ცენტრის პარტნიორობით, გაეროს განვითარების პროგრამისა (UNDP) და  შვეიცარიის განვითარებისა და თანამშრომლობის სააგენტოს (SDC) მხარდაჭერით მიმდინარე პროექტის - „საქართველოს სოფლის მეურნეობაში პროფესიული განათლების სისტემის მოდერნიზაცია (ფაზა3)“ ფარგლებში. 

კონკურსის წესების შესახებ დამატებითი ინფორმაციის მისაღებად დაგვიკავშირდით ელ-ფოსტაზე: info.agroleague@gmail.com