საიტი მუშაობს სატესტო რეჟიმში
სიახლეები
გარემოსდაცვითი ინფორმაციისა და განათლების ცენტრმა თბილისის საჯარო სკოლებში საინფორმაციო შეხვედრები გამართა
გარემოს დაცვისა და სოფლის მეურნეობის სამინისტროს სსიპ გარემოსდაცვითი ინფორმაციისა და განათლების ცენტრმა თბილისის 63-ე და მე-16 საჯარო სკოლების მოსწავლეებთან საინფორმაციო-შემეცნებითი შეხვედრა გამართა. ტრენინგები პლასტმასის მოხმარების შემცირებასა და ნარჩენების მართვის აქტუალურ საკითხებს დაეთმო.
შეხვედრის ფარგლებში მოსწავლეებმა მიიღეს ინფორმაცია პლასტმასის გარემოზე უარყოფითი ზეგავლენის შესახებ და გაეცნენ ნარჩენების დახარისხების პრაქტიკულ მიდგომებს. განსაკუთრებული ყურადღება გამახვილდა პლასტმასის ალტერნატივების გამოყენების მნიშვნელობაზე ყოველდღიურ ცხოვრებაში.
გარემოსდაცვითი ინფორმაციისა და განათლების ცენტრის დირექტორის განცხადებით, ახალგაზრდებთან მუშაობა ცენტრისთვის ერთ-ერთ პრიორიტეტულ მიმართულებას წარმოადგენს. საზოგადოების ცნობიერების ამაღლების მიზნით, ცენტრი მომავალშიც აქტიურად გააგრძელებს მსგავსი საგანმანათლებლო შეხვედრების ორგანიზებას ქვეყნის სხვადასხვა რეგიონში.